$2.50 竟然買到一個包！

露人甲繼續喺沙田第一條屋邨瀝源邨遊走。上次講嗰間盛記呢，原來行前多幾步，轉個彎就搵到另一間老字號—漢和麵包。

未行到舖面已經聞到陣陣麵包香，原來漢和有50幾年歷史，1962年喺沙田軍用機場附近開業，佢賣嘅包售價十年如一日，竟然$2.5就有一個紙包蛋糕，三個都係 $6 姐，平到媽媽都唔相信！

原本漢和只有工場，無入舖位的，所以一直就係喺工場外賣麵包。幾年前，隔離舖間小食店搬走咗，先租埋佢擴充店舖。不過漢和依家仲會喺門外擺賣新鮮出爐嘅麵包，因為主要係做街坊生意，所以仍然維持到平到無法相信嘅「海嘯價」。

老闆話：「我們係回饋街坊，算不上回饋社會咁偉大，只要可以繼續經營，都會做落去。」老闆仲會每天將賣剩嘅包捐去社區組織幫助有需要嘅人。人情味呢啲嘢，老店真係先搵到！

漢和麵包店

地址︰沙田瀝源邨華豐樓地下